'E legne torna bone! - Sezione Alpini Treviso

Vai ai contenuti

'E legne torna bone!

Fameja Alpina > Toni e Bepi
Toni e Bepi


di Isidoro Perin
’E legne torna bone!
 



  • Férmate Bepi ché te à ’na onbra pronta!
  • Son qua!
  • Satu dirme che difarensa che passa tra ’a poìtica e ’a piòva de Novenbre?
  • No…
  • Nessuna Bepi: tute do é fa dano!
  • Sì… però ’a piòva passa!
  • Par fortuna! Però co’ sto tenp no se sa pì che santi ciamàr.
  • L’é cambià tut e bisognarà ’bituàrse. ’Na volta l’è massa secc, ’na volta el piove massa, ’a bensina la è senpre pì cara, el gas senpre pèso, ’e tasse e aumenta, sol che pai poreti però, e i s-chèi ’i è senpre manco.
  • I poreti i à da ’ndar a piè, parchè i siori cussì ’i à ’a strada bèa libera!...
  • In pì ghe fa ben ànca pa’a saeute e ’i spende manco s-chèi pa ’e medissine!
  • In tanti ’i è tornài a scaldarse co’ ’e legne che l’è un caldo pì sut e te pol far da magnar sensa usar ’l gas.
  • A proposito, te à sentì che tra qualche ano sarà pì difissie ànca far un panevin!
  • Parchè po’?...
  • Parchè i recupera i cavi dée vide pa far pellets e biomasse.
  • Me tocarà tornar a roe e divisòn come che se féa ’na volta.
  • Pitost che far sparir ’na tradission lé meio brusar un paese!
  • Noaltri alpini no se rendén de sicuro ànca parchè co’ che ’e robe se fa difissie tuti me varda noaltri.
  • Te ha vist che proprio i Alpini de Treviso ’i à vinto el premio pal pì bel giornal de tuti quei dell’ANA?
  • Te dirò che da ’na banda me fa piassér, da cheàltra no ’i invidie.
  • Parché po’?...
  • Parché adess tuti varda el nostro giornal e ’i ghe cata el pel sul vovo!
  • Par quel, te pol star sicuro, cussì  adess ghe toca lavoràr pì de prima.
  • Ma la è ’na sodisfassion che val ’a pena!
  • Aa saeute Toni!

                                             
Torna ai contenuti