Ano bisest, ano sensa sent! - Sezione Alpini Treviso

Vai ai contenuti

Ano bisest, ano sensa sent!

Fameja Alpina > Toni e Bepi
Toni e Bepi


di Isidoro Perin
Ano bisest, ano sensa sest!
 



  • Ciao Bepi! Bevi un’onbra!
  • Comandetu ànca ti adess?
  • Ma dai! Son content parchè finalmente Prodi l’è tornà casa.
  • Parchè?
  • Parché!? Parché cussì Berlusconi l’à finì de dir che ’l governo casca ’a prossima setimana! Ostrega! L’è passà tre ani, no se ghe ’n podéa pì!
  • E adess cossa canbia?
  • Gnent! L’Italia l’è senpre ’ndata ’vanti istess. Se se stesse a vardar i governi che va sù e ’sò, se moriràe da fam!
  • Bisogna rangiarse, come che i féa me noni che no i vea ne i antibiotici, ne a pension, ne ’e medissine gratis, ne ’a luce e gnanca l’aqua in casa.
  • Bisogna lavorar istesso, ansi pi’ de prima,  par mantegner i partiti che i vien su come i fonghi.
  • Cussì st’ano l’é n’altra volta l’ano dee votassion.
  • E no sol che quel! L’ONU l’a dita che ’l domie-e-otto sarà l’ ano internassionae dea Tera, l’ano internassonae dee diversità del modo de parlar, l’ano dell’igiene. L’Europa invesse dise che sarà l’ano del Poeo Nord e del Poeo Sud, noialtri veneti disemo che l’è l’ ano del Palladio, a Cesa  invesse fa festa par San Paolo e  i amanti dea musica par Puccini…
  • Toni!... Va ben che l’è “l’anno bisest, ’e femene mate e i omeni sensa sest”, ma stasera te me fa paura. Dove atu imparà tute ’ste robe? Situ stà all’Università dea tersa età?
  • No Bepi, lo scrive suor Anna Chiara dee Dorotee de Vicensa che ’a dirige el giornal de S. Maria Bertilla.
  • No se inpara mai che basta!
  • Bepi bisogna star ai tempi! Te rendetu conto che st’ano i fa ’e Olimpiadi in Cina, che ’l Papa va in Australia a Sydney coi zoveni, e che sento-e-sinquanta anni fa ’a Lurdes la è apparsa ’a Madona.
  • Tuti se dovarìe ’ndar a Lurdes, almanco ’na volta, ànca i poitici.
  • Però intanto, invesse de far tanta strada se podarie pregar santa Maria Bertilla che par noaltri trevisani la ha fat tant.
  • Pensar che basta un’oretta par ’ndar fin Vicensa su ’a so’ tomba.
  • Costa poc e fa ben al cuor.
  • E coi s-chei che te vansa se podaria iutar qualchedun… Aea saeute Toni!

Glossario:
(1)Ano bisest, ano sensa sest!: Anno bisestile, anno senza giudizio

Torna ai contenuti